ພວກເຮົາໄດ້ພັດທະນາລະບົບ Online Banking ທີ່ມີຊື່ວ່າ LDB Biz ທີ່ຈະເຮັດໃຫ້ທ່ານ ສະດວກ,ວ່ອງໄວ ແລະ ທັນສະໄໝຫຼາຍຂຶ້ນຕື່ມອີກ ກັບ ໜ້າຕ່າງການໃຊ້ງ່າຍດາຍ ແລະ ກະທັດຮັດ, ຫຼຸດຂັ້ນຕອນທີ່ຫຍຸ້ງຍາກ, ເຮັດທຸລະກຳໄດ້ຫຼາກຫຼາຍປະເພດເຊັ່ນ: ອັບໂຫລດເງິນເດືອນພະນັກງານ, ໂອນເງິນພາຍໃນບັນຊີ ທພລ, ໂອນເງິນຂ້າມທະນາຄານ ພາຍໃນປະເທດ, ຊຳລະຄ່າສາທາລະນູປະໂພກ, ຕິດຕາມ statement ບັນຊີ ແລະ ພາຍຫຼັງສຳເລັດທຸລະກຳ ມີໃບຢັ້ງຢືນການໂອນໃຫ້ທຸກຄັ້ງ, ເຊິ່ງມາພ້ອມກັບລະບົບຄວາມປອດໄພທີ່ໄດ້ມາດຕະຖານສາກົນ ທີ່ມີຄວາມປອດໄພສູງ.

• ທ່ານສາມາດດໍາເນີນການເບີກຈ່າຍເງິນເດືອນໃຫ້ພະນັກງານດ້ວຍຕົວທ່ານເອງ ໄດ້ຢ່າງສະດວກ.
• ໂອນເງິນໄດ້ຫຼາຍຮູບແບບເຊັ່ນ: ໂອນເງິນຂ້າມທະນາຄານພາຍໃນ ສປປ ລາວ ແລະ ໂອນເງິນພາຍໃນ ທະນາຄານພັດທະນາລາວເອງ.
• ຊຳລະພາສີອາກອນ, ຄ່າໄຟຟ້າ, ຄ່ານ້ຳປະປາ, ຄ່າໂທລະສັບ, ຄ່າອິນເຕີເນັດ, ເຕີມບັດໂທລະສັບ, ຄ່າພາສີປະຕູດຽວ ພ້ອມທັງສາມາດກວດເບິ່ງປະຫວັດການຊຳລະທີ່ຜ່ານມາໄດ້.
• ເບິ່ງລາຍລະອຽດການເຄື່ອນໄຫວບັນຊີເຊັ່ນ: ບັນຊີເງິນຝາກປະຢັດ, ບັນຊີເງິນຝາກມີກຳນົດ, ບັນຊີິເງິນຝາກກະແສລາຍວັນ ແລະ ບັນຊີເງິນກູ້.
• ພີມລາຍການບັນຊີສຳຮອງ.
• ກວດເບິ່ງອັດຕາແລກປ່ຽນປະຈຳວັນຂອງທຸກສະກຸນເງິນໄດ້ງ່າຍດາຍ.

• ທ່ານຕ້ອງມີບັນຊີເງິນຝາກປະຢັດ ຫຼື ບັນຊີເງິນຝາກກະແສລາຍວັນຢູ່ ທພລ.
• ທ່ານຕ້ອງເປັນເຈົ້າຂອງທີ່ມີສິດສັ່ງຈ່າຍ ຫຼື ໄດ້ຮັບການມອບສິດຈາກເຈົ້າຂອງບັນຊີທີ່ມີສິດສັ່ງຈ່າຍໃນບັນຊີ.
• ຍອມຮັບເງື່ອນໄຂ ແລະ ຂໍ້ກໍານົດໃນການໃຊ້ບໍລິການພ້ອມທັງສະໜອງຂໍ້ມູນຖືກຕ້ອງ ແລະ ຊັດເຈນ ໃນແບບ ຟອມຂໍນຳໃຊ້ບໍລິການຂອງທະນາຄານ.
• ກໍລະນີເຈົ້າຂອງບັນຊີທີ່ມີສິດສັ່ງຈ່າຍມອບໃຫ້ຜູ້ຕ່າງໜ້າມາພົວພັນຂໍນຳໃຊ້ບໍລິການ ແມ່ນຕ້ອງມີໃບມອບສິດຈາກເຈົ້າຂອງບັນຊີ.
• ສໍາເນົາບັດປະຈໍາຕົວຂອງເຈົ້າຂອງບັນຊີ, ສໍາເນົາບັດປະຈໍາຕົວຂອງຜູ້ມອບສິດ ແລະ ຜູ້ທີ່ຖືກມອບສິດ.