• ກວດເບິ່ງຍອດເງິນ ແລະ ກວດການເຄື່ອນໄຫວບັນຊີເງິນຝາກປະຢັດ, ກະແສລາຍວັນ, ຝາກປະຈໍາ, ປະຫວັດການຊໍາລະຕົ້ນທຶນ ແລະ ດອກເບ້ຍຊໍາລະເງິນກູ້.
• ໂອນເງິນພາຍໃນ ທພລ ແລະ ໂອນເງິນຂ້າມທະນາຄານໄດ້ດ້ວຍ ເລກບັດ ແລະ ເລກບັນຊີ (ການໂອນເງິນຂ້າມທະນາຄານແມ່ນໂອນຜ່ານ Lao National Payment Network)
• ໂອນລອຍທາງມືຖື (ໂອນເງີນໃຫ້ຜູ້ທີ່ບໍ່ມີບັນຊີໃນທະນາຄານລາວ).
• ລ໋ອກ ຫຼື ປົດລ໋ອກບັດໄດ້ເອງໃນຍາມສຸກເສີນ
• ຊໍາລະຄ່າໃບບິນອອນລາຍເຊັ່ນ: ຕື່ມມູນຄ່າໂທລະສັບ, ຊໍາລະຄ່າໄຟຟ້າ, ຊໍາລະຄ່ານໍ້າປະປາ, ຊໍາລະຄ່າປະກັນສັງຄົມ, ຊໍາລະຄ່າສິນເຊື່ອ, ຊໍາລະອາກອນ ແລະ ສາມາດກວດເບິ່ງປະຫວັດການເຄື່ອນໄຫວຂອງແຕ່ລະທຸລະກໍາໄດ້.
• ສະແກນ QR Code ສາມາດສະແກນໄດ້ທັງ LDB Trust ແລະ LDB Wallet ເພື່ອໂອນເງິນ, ຊໍາລະ ແລະ ຖອນເງິນກັບຕົວແທນໄດ້.
• ສາມາດບໍລິຫານຈັດການຄວາມປອດໄພຂອງບັນຊີທ່ານເອງໄດ້ ລວມເຖິງ ການຄຸ້ມຄອງບັດ ATM, ກວດການເຄື່ອນໄຫວຂອງບັດ.
• Bookmark - ເປັນທາງລັດທີ່ລວມເອົາ Function ທີ່ທ່ານໃຊ້ເປັນປະຈໍາມາໄວ້ໜ້າທໍາອິດ ເພື່ອອໍານວຍຄວາມສະດວກຫຼາຍຂຶ້ນ ແລະ ຄວາມສາມາດອື່ນໆອີກ.
• ສ້າງທຸລະກຳຖອນເງິນຈາກຕູ້ ATM, ການແຊຣໃບບິນ ແລະ ການກໍານົດເວລາໂອນເງິນ;
• ກວດເບິ່ງລາຄາທອງຄຳ, ລາຄາສະກຸນເງິນດີຈິຕອນ, ແຮ່ທາດ, ຈຸດທີ່ຕັ້ງບໍລິການ ຂອງ ທພລ;
• ກວດເບິ່ງອັດຕາແລກປ່ຽນ, ຂໍ້ມູນຕິດຕໍ່, ຂໍ້ມູນສະຖານທີ່ (ຕູ້ ATM, ສາຂາ ແລະ ໜ່ວຍບໍລິການ) ທີ່ຢູ່ໃກ້ທ່ານ

• ໃນກໍລະນີທີ່ເກີດມີຄວາມຜິດພາດ, ລ້າຊ້າ ແລະ ຄວາມເສຍຫາຍໃດໆເນື່ອງຈາກການຮັບ-ສົ່ງຂໍ້ມູນ ຂອງລະບົບເຄືອຂ່າຍໂທລະຄົມ ຫລື ອຸປະກອນຂອງຜູ້ໃຊ້ບໍລິການເອງທາງທະນາຄານຈະບໍ່ຮັບຊອບໃນກໍລະນີນີ້.
• ກໍລະນີທີ່ທະນາຄານເມີນເສີຍຕໍ່ການປະຕິບັດຕາມຄໍາສັ່ງຂອງຜູ້ໃຊ້ບໍລິການທີ່ເປັນສາເຫດ ເຮັດໃຫ້ຜູ້ໃຊ້ບໍລິການ ຫຼື ຜູ້ຮັບໂອນເງິນບໍ່ໄດ້ຮັບເງີນຕາມຄໍາສັ່ງຂອງຜູ້ໃຊ້ບໍລິການ, ກໍລະນີດັ່ງກ່າວຖືວ່າເປັນຄວາມຮັບຜິດຊອບຂອງທະນາຄານ ຍົກເວັ້ນແຕ່, ເປັນກໍລະນີຜູ້ໃຊ້ບໍລິການມີຈໍານວນເງິນໃນບັນຊີບໍ່ພຽງພໍ, ຖືກລະງັບວົງເງິນສິນເຊື່ອ, ຜູ້ໃຊ້ບໍລິການຢູ່ໃນລະຫວ່າງການຖືກດໍາເນີນຄະດີໃດໜື່ງຕາມກົດໝາຍ, ທະນາຄານໄດ້ແຈ້ງເຖິງຂໍ້ຂັດຂ້ອງໃນການໂອນເງິນໃຫ້ຜູ້ໃຊ້ບໍລິການຮັບຮູ້ກ່ອນແລ້ວ, ຜິດເງື່ອນໄຂຂໍ້ຕົກລົງທີ່ໄດ້ໃຫ້ໄວ້ກັບທະນາຄານ ຫຼື ເກີດເຫດສຸດວິໄສໃນການໃຫ້ບໍລິການກໍລະນີດັ່ງກ່າວບໍ່ຖືເປັນຄວາມຮັບຜິດຊອບຂອງທະນາຄານ.
• ທະນາຄານຈະດໍາເນີນການສືບສວນແກ້ໄຂຄວາມຜິດພາດ ແລະ ຄວາມເສຍຫາຍໃດໜື່ງໂດຍຈະຢຶດຖື ຫຼັກການຂອງລັດ ແລະ ກົດໝາຍແຫ່ງ ສ.ປ.ປ.ລາວ ເປັນຫຼັກ. ທະນາຄານຂໍສະ ຫງວນສິດໃນການປະຕິເສດຕໍ່ຄໍາຮ້ອງຂໍຕ່າງໆທີ່ຂັດກັບຂໍໍ້ກໍານົດຫຼັກການຂອງລັດ ແລະ ກົດໝາຍແຫ່ງ ສ.ປ.ປ.ລາວ.

• ທຸກໆການເຄື່ອນໄຫວເຮັດທຸລະກຳທາງດ້ານການເງິນ ຜ່ານ LDB TRUST ຂອງ ທພລ ທີ່ເກີດຂື້ນຈາກລະຫັດ ແລະ ເບີໂທລະສັບ ຂອງຜູ້ນໍາໃຊ້ບໍ່ວ່າຈະເປັນກໍລະນີໃດໆກໍ່ຕາມ ແມ່ນຢູ່ໃນຄວາມຮັບຜິດຊອບຂອງເຈົ້າຂອງບັນຊີຜູ້ນໍາໃຊ້ ເບີໂທລະສັບ ທັງໝົດ, ເຊິ່ງ ທພລ ຈະບໍ່ຮັບຜິດຊອບແຕ່ປະການໃດໆ.
• ຜູ້ໃຊ້ບໍລິການຕ້ອງຮັກສາລະຫັດສ່ວນຕົວ, ຂໍ້ມູນລັບ, ອຸປະກອນທີ່ນຳໃຊ້ໃນການບໍລິການ LDB TRUST ນີ້ໄວ້ຢ່າງດີ ແລະ ສະຖານທີ່ປອດໄພ.
• ໃນກໍລະນີລະຫັດຊື່ຜູ້ໃຊ້ບໍລິການ ຫລື ລະຫັດສ່ວນຕົວ, ຂໍ້ມູນຕ່າງໆຖືກລັກ ຫລື ເຮັດເສຍຫາຍແມ່ນໃຫ້ແຈ້ງທະນາຄານທັນທີເພື່ອ ທະນາຄານຈະໄດ້ລ໋ອກຊື່ຜູ້ໃຊ້ບໍລິການ ແລະ ລະຫັດນຳໃຊ້ ໂດຍໂທເບີ Tel: 021 216176 ແລະ ຕ້ອງຍອມຮັບວ່າທຸກໆທຸລະກໍາທີ່ເກີດຂື້ນກ່ອນເວລາທີ່ທ່ານໄດ້ແຈ້ງທະນາຄານຮັບຊາບແມ່ນຈະຢູ່ໃນຄວາມຮັບຜິດຊອບຂອງຜູ້ກ່ຽວເອງ.
• ຜູ້ໃຊ້ບໍລິການຍິນຍອມທີ່ຈະເສຍຄ່າທຳນຽມ ແລະ ຄ່າບໍລິການອື່ນໆທີ່ກ່ຽວພັນກັບການບໍລິການທາງດ້ານ LDB TRUST ຕາມອັດຕາທີ່ທາງທະຄານໄດ້ກໍາໜົດໄວ້ ໂດຍຍິນຍອມໃຫ້ທະນາຄານຫັກເງິນຈາກບັນຊີຂອງຜູ້ໃຊ້ບໍລິການໂດຍກົງ.
• ຜູ້ໃຊ້ບໍລິການຍິນຍອມໃຫ້ທະນາຄານເພີ່ມ, ດັດແກ້ ຫລື ປ່ຽນແປງເງື່ອນໄຂສັນຍາການບໍລິການທີ່ໃຊ້ກັບຜະລິດຕະພັນເອເລັກໂທນິກເຊັ່ນ: ຄ່າທຳນຽມ, ຄ່າບໍລິການຕ່າງໆ ແລະ ຄ່າໃຊ້ຈ່າຍທີ່ເກີດຂື້ນກັບກັບການໃຊ້ບໍລິການຜ່ານລະບົບທະນາຄານ ຢ່າງເໝາະສົມ.
• ຜູ້ໃຊ້ບໍລິການຍອມຮັບເອກະສານ, ເອກະສານອີເລັກໂທນິກ (E-slip) ແລະ ຫລັກຖານທັງໝົດທີ່ກ່ຽວຂ້ອງກັບການຫັກເງິນໃນບັນຊີເງິນຝາກ, ບັນຊີສິນເຊື່ອ ເປັນຕົ້ນແມ່ນການໂອນເງິນ ຫລື ການເຮັດທຸລະກຳຕ່າງໆໃນບັນຊີຜູ້ໃຊ້ບໍລິການ ຫລື ເອກະສານຕ່າງໆທີ່ທາງທະນາຄານໄດ້ລະບຸໄວ້ໃນເງື່ອນໄຂການໃຊ້ບໍລິການ LDB Trust ລ້ວນແຕ່ເປັນຄວາມຈິງ ແລະ ຖືກຕ້ອງ.

ເຂົ້າເບິ່ງຄ່າທຳນຽມ »